September - Sauesanking m.m

Vart dårleg med toppsamling i september. Vonar det betrar seg utover vinteren når det vert kaldare og lettare å trø i fjellet.

Her er fyrste sauesankinga:

Her er nokre bileter frå andre sauesankinga i slutten av månaden

Dei to siste bileta er frå Grøne Haugen (Grønhaug). 

Høgaste punktet i Gjetingsdalen 1190m (fonnakart.no), 

med utsikt over "halve" Hardangefjorden.

Og her på tur til Bjønndalsnuten i Vindafjord. Turen regna bokstaveleg vekk, måtte nærast symja heim. Likevel ei god anledning til å testadet nye  teltet. Det heldt tåleg bra natta ove. Droppa toppen dagen etter på grunn av det lite fristande vêret...

Rundtur i Stordfjella

17.08.10
Rundtur Heio-Mehammarsåto-Litlasåto-Heio

Litlasåto 676m

Byrja frå parkeringsplassen i Heio, gjekk inn til Mehammarsåto, før eg tippa ned til Litlasåto som var dagens mål. Gjekk nokon krøtterstigar bortover fjellet, men haddet toppvarden i synet heile tida.
I staden for å gå om Mehammarsåto tilbake, valgte eg å spara ein del høgdemeter på å sikta meg inn på stien eit par hundre meter lenger nede. Om eg sparte noko tid er uvisst, men det var vel verdt å sleppa den stigninga att. 

Brukte vel 6 timar på denne rundturen.

(kommunetopp 12 av 430) 

Sein søndagstur til Gråhorjo 741m

15.08.10
Gjekk seint om ettermiddagen opp til den utgåtte kommunetoppen i Ølen (no Vindafjord)

Bratt opp lia frå Bruravegen (?), men slakt og fint utover mot toppen. Hadde sol heile vegen, samt utsikt over "halve Sunnhordland"

Brukte vel ein time opp og knapt ein time ned.

Stølsheimen

06.08.10
Stølsvatnet-Solrenningen
Starta frå parkeringsplassen ved Stølsdammen 19-tida. Opplett og fin temperatur for fjelltur.
På vegen inn var det reine motorvegen, med plankar så langt auga kunna sjå. Vi kom fram etter 2,5 time. Litt kjappare enn rekna med.

07.08.10
Solrenningen-Runderabben-Norddalshytten
Starta på formiddagen oppstigninga frå hytta. Oppå platået bar det innover mot Åsabotn. Måtte kryssa nokre snøfonner, men ellers var det godt føre. Like før krysset i Åsabotn tok vi fram Gps'en og peila oss inn på kommunetoppen i Modalen, Runderabben 1292moh, ein avstikkar på rundt 1,5 time. På toppen fann vi bok som vi skreiv namnet i, før vi tusla ned att til stien og sekkane våre.
  Vegen vidare mot Norddalen vart ein lang affere. Vi var blitt opplyst om at turen skulle ta 5-6 timar utan toppen, men stavra over haug etter haug i til saman 9 timar denne dagen. Slitne kom vi til hytta og kunne innta ein betre middag, beståande av meksikansk gryte med kalkunpølser i.

Hege og Roar ved varden på Runderabben

08.08.10
Norddalshytten-Åsabotnen-Stølsvatnet
Var i tvil om kva veg vi skulle gå heim, men kom til at den kortaste ruta var tilbake til Åsabotn og ned til Stølsdammen. Bratt i byrjinga, men tørt og lett terreng etter ein times stigning. Etter dette var det plankekjøring ned til grusvegen og vidare ned til bilen. Etter kring 5 timar sette vi slitne og nøgde kursen tilbake til Bergen og heim.


(Kommunetopp 11 av 430)

Ettermiddagstur i fineværet

18.07.2010
Lammanut. Tysvær 631m
Gjekk frå parkeringsplassen rett før campingen. Infotavle med kart der ein startar.
1/3 traktorveg, 2/3 myrlandskap (vanntette sko), og resten fin sti resten til topps. Der venta ei fin utsikt i alle himmelretningar. Hadde været med meg, regnet kom ikkje før eg hadde sett meg i bilen.

Slak stigning gjer dette til ein tur som passar for alle. Kunne godt vore betre sti, helst lagt om ved myrene, men heilt ok å gå på sida.

Brukte omtrent 4 timar tur/retur.




(Kommunetopp 10 av 430)

Tre kjappe "toppar"

Runde rundt Stavanger

02.06.2010
Var på tur i Stavanger-området, og nytta sjangsen til å samla nokre toppar. Gps-en med forhåndsplotta punkt streika etter tredje toppen, så fekk ikkje tatt alle "småtoppane" i området.

Signalhaugen i Randaberg 75m - Parkerte ved skogsveg (kunne sikkert kjørt vidare på denne) i Randeberggeilen. 5 minutters gange innover og opp på ein haug. Utsikt over havna.

Tinghaug i Klepp 102m - Den "menneskelaga" toppen Tinghaug ligg midt mellom Klepp og Bryne. Merka som turistattraksjon, og ikkje så vanskelig å finna. Du kan køyre meir eller mindre til topps.


Ullandhaug i Stavanger (139m) ligg like utanfor sentrum. Fulgte skilting opp til tv-tårnet, og spaserte opp bakken frå parkeringsplassen.

(Kommunetoppar 7, 8 og 9 av 430)

Dyrafjellet 172 moh / Boknafjellet 293 moh

Dyrafjellet, Karmøy

Boknafjellet, Bokn

09.05.2010
Fin sundagstur til to lave toppar i Nord-Rogaland.

Nytta det fine veret til å starta årets fyrste toppsamling.
Køyrde fyrst til Skre ved Røyksund, der det venta 10 minutts effektiv gange t/r (!), til toppen av Karmøy (som rett nok ligg på fastlandet). Parkerte bilen ved Døleveien 81, der huseigaren vart svært forskrekka då han fann ut at eg skulle til Karmøy sin høgaste topp. Hehe.

Dernest gjekk turen til Bokn og Boknafjellet. Eg trudde eg skulle klara å køyra opp, men måtte gje meg då eg kom til ein "45 graders" bakke. Då eg ikkje lenger så lyst på nedturen. Stor og lett bil nedover lia der hadde ikkje enda godt. Sola skinte frå nærast skyfri himmel, men vinden bles kaldt frå nord. Dumt å ikkje ha med vindtett jakke denne dagen altså...


(Kommunetoppar 5. Karmøy og 6. Bokn av 430)